Башҡортостан Рәсәй төбәктәре араһында сәнәғәт сәйәсәте һөҙөмтәлелеге рейтингында өсөнсө урынды алды
Бөгөн, 10 июлдә, Екатеринбургта «Иннопром» халыҡ-ара сәнәғәт күргәҙмәһендә Рәсәй төбәктәрендә сәнәғәт сәйәсәтен тормошҡа ашырыу һөҙөмтәлелеге рейтингы йомғаҡтары иғлан ителде.
Башҡортостан 2022 йыл йомғаҡтары буйынса, Мәскәүҙән һәм Мәскәү өлкәһенән ҡала, өсөнсө урынды алды, тип хәбәр итә «Башинформ» мәғлүмәт агентлығының махсус хәбәрсеһе форум майҙансығынан.
Хәтерегеҙгә төшөрәбеҙ, 2021 йылда Рәсәйҙең Сәнәғәт һәм сауҙа министрлығы тәүге тапҡыр сәнәғәт өлкәһендә ил субъекттарының башҡарма власть органдары эшмәкәрлеге һөҙөмтәләре буйынса төбәктәрҙең һөҙөмтәлелек рейтингын төҙөнө. Беҙҙең республика ике йыл рәттән ошо рейтингты етәкләне.
«Ике йыл рәттән беренселекте бирмәнек. Иртәгә ҡайтҡас та нисәнсе урын тип һорарҙар, мин өсөнсө тип яуаплармын. Ә ни өсөн? Беренселә – Мәскәү, тиермен. Ул саҡта барыһы ла аңлашыла.
Иң тәүҙә идара итеүсе команданың, Сәнәғәт министрлығының эшен билдәләп үткем килә. Һуңғы йылдарҙа ғәҙәттән тыш саҡырыуҙар менән осраштыҡ. Беҙ ошо саҡырыуҙарға яуап биргән сәнәғәт сәйәсәтен күрәбеҙ. Ул һөҙөмтәле. Беҙҙең өсөн нимәһе мөһим – аҡса менән тулы. Шуның өсөн ихлас күңелдән рәхмәт белдерәбеҙ.
Шулай уҡ бөгөн сәнәғәт предприятиелары етәкселәренә, хеҙмәт коллективтарына фиҙаҡәр хеҙмәт өсөн рәхмәт әйтергә тейешбеҙ. Улар беҙҙең алда торған мәсьәләләрҙе хәл иткәндә фиҙаҡәрлек күрһәтә. Мин дә ҡайтҡас уларға рәхмәт һүҙҙәрен еткерермен. Ышаныс өсөн ҙур рәхмәт», - тине Радий Хәбиров.
Башҡортостан – автомобиль бензины, аҙыҡ-түлек һәм кальцийлы сода, табаҡлы быяла, автомобиль тағылмалары һәм продукцияның башҡа төрҙәрен етештереү буйынса Рәсәй төбәктәре араһында беренсе урында.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.