Башҡортостан менән Гродно өлкәһе берлектәге саралар планын раҫланы

Бөгөн, 28 июндә, Рәсәй һәм Беларусь төбәктәре форумында Башҡортостан Республикаһы хөкүмәте һәм Беларусь Республикаһының Гродно өлкәһе башҡарма комитеты араһында Федерация Советы Рәйесе Валентина Матвиенко һәм Беларусь Республикаһы Милли йыйылышы Советы рәйесе Наталья Кочанова ҡатнашлығында 2024-2027 йылдарға иҫәпләнгән сауҙа-иҡтисади, фәнни-техник, социаль һәм мәҙәни өлкәләрҙә халыҡ-ара һәм тышҡы иҡтисади бәйләнештәрҙе тормошҡа ашырыу планына ҡул ҡуйылды.

«Ҡул ҡуйылған документ төбәк-ара, сауҙа-иҡтисади, инвестиция хеҙмәттәшлеген, шулай уҡ мәҙәниәт, туризм һәм милли сәйәсәт, мәғариф, йәштәр сәйәсәте һәм һаулыҡ һаҡлау өлкәһендә берлектәге сараларҙы үҙ эсенә ала», — тине хөкүмәт премьер-министры Андрей Назаров.

Анығыраҡ әйткәндә, конгресс сараларында һәм эшлекле миссияларҙа ҡатнашыуға булышлыҡ итеү, яҡтарҙың эшҡыуарлыҡ берләшмәһе араһында эшлекле бәйләнештәрҙе үҫтереү, инвестиция тәҡдимдәре менән уртаҡлашыу, Башҡортостан Республикаһының һәм Гродно өлкәһенең туристик потенциалын үҫтереүгә булышлыҡ күрһәтеү планлаштырыла.

https://www.bashinform.ru/news/economy/2023-06-28/bashkiriya-i-grodnenskaya-oblast-belarusi-utverdili-plan-sovmestnyh-meropriyatiy-3318853