Республиканың 49 районы хужалыҡтары бесән сабыуға төшкән

Башҡортостанда 54 райондың 49-ында бесәнгә һәм сенажға үлән саба башлағандар. Бөтәһе 60 мең гектарҙан ашыу майҙан сабылған — 8 мең тоннаға яҡын бесән һәм 150 мең тоннанан ашыу сенаж әҙерләнгән.

Хәҙер хужалыҡтар араһында ярыштар уҙғарылмай, әммә, Ауыл хужалығы министрлығы мәғлүмәттәренә ярашлы, мал аҙығын әҙерләүҙә Ауырғазы районы хужалыҡтары беренсе урында килә, улар 5,3 мең гектар үлән сапҡан һәм 20 мең тонна сенаж әҙерләгән. Борай районында — 16 мең тоннаға яҡын, Саҡмағошта 14,5 мең тонна сенаж һалынған.

Норматив буйынса, бер баш малға имен ҡышлау өсөн яҡынса 30 центнер мал аҙығы берәмеге әҙерләнергә тейеш.

https://www.bashinform.ru/news/economy/2023-06-21/v-bashkirii-kosovitsa-trav-idyot-v-49-rayonah-3308247