Башҡортостанда 14 фермер 95,2 миллион һумлыҡ грант алды

Башҡортостандың 14 фермеры ғаилә фермаларын үҫтереү өсөн грантҡа эйә булды. Уларға 1,5-19 миллион һум күләмендә дәүләт ярҙамы күрһәтелә. Дәүләт ярҙамының дөйөм суммаһы 95,2 миллион һум, тип хәбәр итте Башҡортостан премьер-министры Андрей Назаров.

«Был грантты республикабыҙҙың төрлө райондарынан фермер хужалыҡтары алды. Башлыса «Ғаилә фермаһы» конкурсында ҡатнашыусылар — хужалыҡтарын үҫтереүҙе маҡсат итеп ҡуйған, яңы технологияларҙы, яңы йүнәлештәрҙе үҙләштергән эшҡыуарҙар. Дәүләт ярҙамы уларға уй-ниәттәрен тиҙерәк тормошҡа ашырырға ярҙам итһә, республика аҙыҡ-түлек етештереү күләмен арттыра. Фермерҙарыбыҙ республиканы туйындыра, беҙ уларға ҙур өмөттәр бағлайбыҙ», — тип яҙҙы Башҡортостан премьеры.

Башҡортостандың ауыл эшҡыуарҙары яңы эш башлаған фермерҙар өсөн «Агростартап», шулай уҡ «Агротуризм», ауыл хужалығы кооперативтарының матди-техник базаһын үҫтереү программалары сиктәрендә дәүләт ярҙамынан файҙаланырға мөмкин.

Ярҙам программаларында ҡатнашыу өсөн ғариза бында.

https://www.bashinform.ru/news/economy/2023-06-02/v-bashkirii-14-fermerov-poluchili-granty-na-obschuyu-summu-95-2-mln-rubley-3285304