Башҡортостан һәм Өфө яңылыҡтары
88.02
0
96.04
0
81.86
-0.77
15+ °C
Болотло
Бөтә яңылыҡтар
Иҡтисад
30 Май 2023, 10:23

Владимир Путин ҡайһы бер пенсияларҙы ғаризаһыҙ тәғәйенләү тәртибе тураһында законға ҡул ҡуйҙы

Кремлин.ру
Фото:Кремлин.ру

Президенты Владимир Путин «Рәсәй Федерацияһында дәүләт пенсия тәьминәте тураһында» һәм «Страховка пенсиялары тураһында» федераль закондарға үҙгәрештәр индереү тураһында» законға ҡул ҡуйҙы. Документ рәсми хоҡуҡи мәғлүмәт интернет-порталында баҫылған.

Үҙгәрештәр ҡараусыһын юғалтҡан осраҡта страховка һәм социаль пенсияларҙы, шулай уҡ ике ата-әсәһе лә билдәһеҙ балаларға социаль пенсияны ғаризаһыҙ тәғәйенләүҙе күҙ уңында тота.

Законда ҡаралғанса, бындай пенсиялар ҡараусы вафат булған көндән алып пенсия тәьминәтен ғәмәлгә ашырған орган ҡарамағындағы мәғлүмәттәр нигеҙендә тәғәйенләнә. Ошондай пенсиялар тәғәйенләү тураһында ҡарар биш эш көнө эсендә ҡабул ителергә тейеш.

Шулай уҡ документта «эшкә һәләтһеҙ граждандар» төшөнсәһенә аныҡлыҡ индерелә, атап әйткәндә, уларға 18 йәше тулған һәм төп дөйөм йәки урта дөйөм белем биреү программалары буйынса уҡыуын тамамлағандар ҡарай.

https://www.bashinform.ru/news/economy/2023-05-29/vladimir-putin-podpisal-zakon-o-bezzayavitelnom-poryadke-naznacheniya-nekotoryh-pensiy-3279379

Читайте нас: