Мин үҙем рюкзак алып, йәнә Иранға осор инем – Радий Хәбиров Тегеранға сәфәр йомғаҡтары тураһында

«Мин үҙем рюкзак алып, йәнә Иранға осор инем», – тине Радий Хәбиров бөгөн хөкүмәттең оператив кәңәшмәһендә Ислам Республикаһына сәфәр хаҡында һөйләгәндә.

«Унда хәүефһеҙ, тәмле ризыҡ, хаҡтар беҙҙәгегә ҡарағанда ике-өс тапҡырға арзаныраҡ. Иран – ул боронғо цивилизацияның мираҫын һаҡлаған ил, унда иҫтәлекле, күркәм урындар күп. Рейс асһаҡ, мин үҙем тағы бер тапҡыр ошо илгә осор инем», – тине Радий Хәбиров.

Бынан алдараҡ «Башинформ» Башҡортостан делегацияһының сәфәре республиканың Иран менән хеҙмәттәшлек итеү өсөн яңы мөмкинлектәр асыуы хаҡында хәбәр иткәйне.

https://www.bashinform.ru/news/economy/2023-03-20/ya-by-sam-vzyal-ryukzak-i-esche-raz-poletel-v-iran-radiy-habirov-ob-itogah-poezdki-v-tegeran-3183778