Республикала карауаттар, ортопедик матрастар һәм ултырғыстар эшләү буйынса яңы комплекс асылды

Фото: Олег Яровиков

Альмира Давлетбаева

Бөгөн, 9 мартта, Туймазыла карауаттар, ортопедик матрастар һәм ултырғыстар эшләү буйынса яңы комплекс эшләй башланы. Хәтерегеҙгә төшөрәбеҙ, «Корона» компанияһының инвестиция проекты «Инвестиция сәғәте»ндә хуплау тапҡайны.

Асыу тантанаһы алдынан Башҡортостан Башлығы Радий Хәбиров Рәсәйҙең сәнәғәт һәм сауҙа министры урынбаҫары Альберт Кәримов, Кластерҙар һәм технопарктар ассоциацияһы директоры Андрей Шпиленко менән бергәләп предприятиеның эшмәкәрлеге менән танышты һәм компания етәкселеге менән мебель кластерын үҫтереү мөмкинлектәрен тикшерҙе.

«Корона» яуаплылығы сикләнгән йәмғиәте директоры Рәмил Мәмлиев яңы етештереү цехын һәм складтар төҙөүгә 450 миллион һум һалыныуы, шуның 200 миллион һумы дәүләт ярҙамы булыуы хаҡында һөйләне. Предприятие айына 20 меңгә яҡын матрас етештерә.

Компания майҙаны 10 мең квадрат метрлыҡ тағы бер производство бинаһын төҙөргә йыйына. Был йылына 50 меңгә тиклем матрас сығарырға мөмкинлек бирер тип көтөлә.

Һуңғы ике йыл ярым эсендә предприятиела етештереү майҙансыҡтары — ике, килем өс тапҡырға артҡан, тимәк, республика ҡаҙнаһына һалым түләүҙәре лә. «Корона» илдә матрас етештергән тәүге дүртәү иҫәбенә инә.

«Хөрмәтле «Корона» хеҙмәт коллективы хеҙмәткәрҙәре! Хөрмәтле ҡунаҡтар, ҡәҙерле дуҫтар! Бөгөн беҙ шәп кәйеф менән Туймазыға килдек. Предприятие етәкселегенең коллективҡа етди иғтибар биреүенә бик шатбыҙ: яҡшы эш хаҡы, социаль тәҡдимдәр. Бөгөн Рәсәй Федерацияһының Сәнәғәт министрлығы етәкселегенә һәм Альберт Әнүәр улына (Кәримовҡа - ред. иҫкәрмәһе) рәхмәт белдерәм. Ул төбәк иҡтисадының тәрәнлеген һәм әһәмиәтен яҡшы аңлай, барлыҡ изге башланғыстарыбыҙҙа ышаныслы партнер булып сығыш яһай. Кластерҙар ассоциацияһы етәксеһе Андрей Викторовичҡа рәхмәт. Күреүегеҙсә, беҙ һеҙҙең ышанысығыҙҙы аҡлайбыҙ һәм илдең тәүге мебель кластерының нәҡ бында, Башҡортостанда ойошторолоуына бик рәхмәтлебеҙ. Ғөмүмән, кластерҙар һаны буйынса Татарстан, Силәбе өлкәһе менән бер рәттән беренсе урындарҙы биләйбеҙ. Был бер-беребеҙгә, иҡтисадҡа ярҙам итеүҙә мөһим ҡорал булып тора. Заман еңел түгел, әммә беҙ үҙ көсөбөҙгә, ышаныслы партнерҙарыбыҙға, иптәштәребеҙгә һәм етәкселәребеҙгә ышанабыҙ. Барыһы ла яҡшы булыр тип өмөтләнәм. Йәнә бер тапҡыр коллективты изге башланғыс менән ҡотлайым. Һеҙгә яңы проекттар тураһында уйлай башларға кәрәк. Беҙ ярҙам ҡулы һуҙырбыҙ. «Инвестиция сәғәте»нә тағы ла ҡыҙыҡлы тәҡдимдәр менән килһәгеҙ, шат булырбыҙ», — тине Радий Хәбиров асыу тантанаһында.

Башҡортостан Башлығы предприятиеның алдынғы хеҙмәткәрҙәренә республиканың дәүләт наградаларын тапшырҙы.

https://www.bashinform.ru/news/economy/2023-03-09/v-bashkirii-zapustili-novyy-kompleks-po-izgotovleniyu-krovatey-ortopedicheskih-matrasov-i-stuliev-3170423

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.