Башҡортостан һәм Өфө яңылыҡтары
68.96
+0.2
74.96
+0.26
87.68
+1.56
-9 °C
Ҡар
Бөтә яңылыҡтар
Иҡтисад
Кисә, 12:45

Андрей Назаров Архангел — Белорет автомобиль юлы участкаһын мобиль бәйләнеш менән тәьмин итергә ҡушты

Башҡортостан хөкүмәте премьер-министры Андрей Назаров Архангел — Белорет автомобиль юлы участкаһын мобиль элемтә менән тәьмин итергә ҡушты. Уның фекеренсә, әлеге үтә хәүефле участкала сифатлы мобиль элемтә һәм интернет кәрәк.

«Был халыҡтың именлегенә лә, республикаға килгән туристарҙың уңайлылығына ла ҡағыла. Коллегаларыма ошо проектты ентекләп әҙерләргә ҡуштым», — тип яҙҙы Андрей Назаров үҙенең телеграм-каналында.

Яҡынса иҫәпләүҙәр буйынса, трассаның 160 саҡрымдан ашыу участкаһында бәйләнеш булдырыу өсөн 14 яңы база станцияһы ҡуйырға кәрәк, икәүһенең бейеклеге 70 метр булырға тейеш. Бының өсөн 52 саҡрымдан ашыу оптика һәм 54 саҡрым электр тапшырыу линияларын төҙөү талап ителә. Был яҡындағы алты ауылды ла элемтә менән тәьмин итергә мөмкинлек бирер тип көтөлә.

https://www.bashinform.ru/news/economy/2023-01-25/andrey-nazarov-poruchil-obespechit-mobilnoy-svyazyu-uchastok-avtodorogi-arhangelskoe-beloretsk-3118191

Читайте нас в