2022 йылда инфляция 12% аҙыраҡ тәшкил иткән — Үҙәк банк

2022 йылда инфляция 11,9% тәшкил иткән — 2021 йылға ҡарағанда (8,4%) 3,5 процент пунктына юғарыраҡ, тип белдерҙе Рәсәй банкы.

Йыл аҙағында тауарҙарҙың һәм хеҙмәттәрҙең төп өлөшөнә хаҡтар үҫеше кәмегән:

июль - 15,1%,

август - 14,3%,

сентябрь - 13,7%

октябрь - 12,6%,

ноябрь - 12%,

декабрь - 11,9%.

Декабрҙә хаҡтар 0,78% артҡан, бында торлаҡ-коммуналь хужалыҡ тарифтарын индексациялау төп роль уйнаған. Быны иҫәпкә алмағанда, хаҡтар үҙгәрмәгән тиерлек, унан да бигерәк, хаҡтар индексы түбәнәйгән — 0,03%.

Декабрь айында аҙыҡ-түлек өлкәһендә инфляция 2021 йылдың декабренә ҡарата 10,3% тәшкил иткән, аҙыҡ-түлеккә ҡарамаған тауарҙар — 12,7%, хеҙмәттәр 13,2% ҡиммәтләнгән.

Йыл дауамында Башҡортостанда ла ошондай хәл күҙәтелде, тип хәбәр иткәйне Башинформ.

https://www.bashinform.ru/news/economy/2023-01-20/inflyatsiya-za-2022-god-sostavila-menee-12-tsentrobank-3112851