Башҡортостан һәм Өфө яңылыҡтары
69.34
0
75.41
0
84.91
-1.75
-10 °C
Ҡар
Бөтә яңылыҡтар
Иҡтисад
18 Ғинуар , 16:29

Башҡортостан — оҙайлы төҙөлөшкә ҡаршы көрәш буйынса иң яҡшы төбәктәр иҫәбендә

2022 йылда республикала 66 алданған өлөшсөләр йорто проблемаһы хәл ителгән.

Территорияларҙы үҫтереү фонды уҙған йылға йомғаҡ яһаны. Фондтың күҙәтеү советы рәйесе — Рәсәй хөкүмәте вице-премьеры Марат Хөснуллин һүҙҙәренсә, 2022 йылдың 1 ғинуарына илдә 2,5 мең йорт проблемалылар иҫәбенә инһә, ә 2023 йылдың 1 ғинуарына проблемалы объекттарҙың берҙәм реестрында — 1,2 мең объект.

«Территорияларҙы үҫтереү фонды менән субъекттарҙың берлектәге эше һөҙөмтәһендә оҙаҡ төҙөлгән йорттар 1315-кә, йәғни ике тапҡырға тиерлек кәмегән, – тип билдәләне Марат Хөснуллин. – Был объекттар өлөшсөләренең хоҡуҡтары федераль йәки төбәк механизмдары менән яҡланған. Улар фатир асҡыстары йәки үҙҙәренә тейешле компенсация алырға хоҡуҡлы», – тип билдәләне вице-премьер.

Территорияларҙы үҫтереү фондының генераль директоры Илшат Шаһиәхмәтов объекттар һанын кәметеүҙә ыңғай динамика күҙәтелгән төбәктәрҙе атаны.

«Мәскәү өлкәһе, Ленинград өлкәһе, Краснодар крайы, Новосибирск өлкәһе, Башҡортостан», – тине ул.

«Башинформ» хәбәр иткәнсә, быйыл Башҡортостанда 39 проблемалы объекттың алданған өлөшсөләре мәсьәләһен хәл итеү бурысы тора. Бер йыл элек был һан 106 ине.

https://www.bashinform.ru/news/economy/2023-01-18/v-pravitelstve-rf-otmetili-bashkiriyu-v-chisle-luchshe-regionov-po-borbe-s-dolgostroyami-3109947

Читайте нас в