Был аҙнала Радий Хәбиров етәкселегендәге Башҡортостандың рәсми делегацияһы эш сәфәре менән Беларусь Республикаһына бара. Был хаҡта хөкүмәттең оператив кәңәшмәһендә республика башлығы хәбәр итте.
Башҡортостан делегацияһы Беларусь премьер-министры Роман Головченко менән осрашырға, Минск автомобиль заводына, «Амкодор»ға һәм башҡа предприятиеларға барырға йыйына.
Хәтерегеҙгә төшөрәбеҙ, Радий Хәбиров уҙған аҙнала Рәсәй Президенты менән осрашыуҙа Владимир Путинды быйыл июнь айында Өфөгә Рәсәй һәм Белоруссия төбәктәренең унынсы форумына саҡырҙы.