Федераль таможня хеҙмәте мәғлүмәттәре буйынса, 2022 йылдың ғинуар-сентябрендә Башҡортостандың тышҡы сауҙа әйләнеше йыллыҡ сағылышта 13% артҡан. Экспорт күләме 17,1% артҡан, импорт 1% кәмегән. Был хаҡта хөкүмәттең оператив кәңәшмәһендә Башҡортостан Башлығы Радий Хәбиров белдерҙе.
«Эш яҡшы ойошторолған, яңы партнерҙар эҙләйбеҙ. Тышҡы сауҙа әйләнеше буйынса тәүге унау иҫәбендә — Ҡытай, Ҡаҙағстан, Латвия, Нидерланды, Белоруссия, Һиндостан, Төркиә, Финляндия, Германия, Үзбәкстан. Ошо илдәрҙең бишәүһе менән тығыҙ эш алып барабыҙ, Ҡытай Халыҡ Республикаһы менән халыҡ-ара кимәлдәге хеҙмәттәшлекте көсәйтергә кәрәк. Ғөмүмән, беҙ өҫтөнлөктәрҙе дөрөҫ билдәләнек», — тине Радий Хәбиров.