Ишембайҙа беренсе башҡорт нефтен сығара башлауҙың 90 йыллығына арналған тантаналар үтте

Фото: Олег Яровиков

Азат Ғиззәтуллин

Башҡортостан Башлығы Радий Хәбиров бөгөн Ишембайҙағы тантаналы йыйылышта «Башнефть» компанияһы ветерандарын һәм хеҙмәткәрҙәрен тәүге башҡорт нефтен сығарыуҙың 90 йыллығы менән ҡотланы.

«Ошо әһәмиәтле датаны Ишембайҙа, 1932 йылда 702-се скважинанан беҙҙең нефть тармағының данлы тарихы, илебеҙ яғыулыҡ-энергетика комплексы үҫешенең «башҡорт» этабы башланған ҡалала билдәләйбеҙ. Беҙҙең нефтселәр тармаҡта башлап юл ярыусы булды. Тыуған республиканың һәм илдең бөгөнгө именлеге өсөн нәҡ һеҙгә, нефть-газ тармағы хеҙмәткәрҙәре быуынына, бурыслыбыҙ», – тип билдәләне Радий Хәбиров.

Бөгөн «Башнефть» – илдә алдынғы нефть һәм нефть эшкәртеү тармағы компанияларының береһе. «Башнефть» республиканың ышаныслы партнеры һәм эре һалым түләүсеһе булып ҡала. Уҙған йылда компания төбәк ҡаҙнаһына 15 миллиард һум һалым аҡсаһы күсергән (2020 йылғы кимәлдән 73 % юғары). Һуңғы биш йылда ғына Башҡортостан нефтселәре юлдар, мәктәптәр, балалар баҡсалары, дауаханалар, мәҙәниәт учреждениелары төҙөүгә, спортҡа ярҙам итеүгә 18 миллиард һумдан ашыу аҡса йүнәлткән. Башҡортостан менән «Роснефть» араһында хеҙмәттәшлек тураһында килешеү сиктәрендә һуңғы өс йылда 49 районда һәм ҡалала 220-нән ашыу проект тормошҡа ашырылған.

Бөгөн нефть-газ тармағы предприятиелары алдында мөһим саҡырыуҙар тора, тип билдәләне Радий Хәбиров.

«Башҡортостан нефтселәренең теләһә ниндәй ҡатмарлы мәсьәләләрҙе намыҫ менән хәл итеренә ышанам. Хөрмәтле дуҫтар, һеҙгә ныҡлы һаулыҡ, именлек, яңы хеҙмәт ҡаҙаныштары теләйем», – тине Радий Хәбиров һәм республиканың нефть тармағының иң яҡшы вәкилдәренә дәүләт наградаларын тапшырҙы.

«Башнефть» компанияһының генераль директоры Андрей Лазеев та хеҙмәткәрҙәргә һәм ветерандарға ҡотлау һүҙҙәре менән мөрәжәғәт итте. Хөкүмәт премьер-министры урынбаҫары – сәнәғәт, энергетика һәм инновациялар министры Александр Шельдяев Ишембай нефть ятҡылығын беренселәрҙән булып асҡан Алексей Блохин хөрмәтенә «Башнефть» компанияһының иң яҡшы хеҙмәткәрҙәренә миҙалдар тапшырҙы.

Башҡортостан нефтенә 90 йыл тулыуға арналған тантаналы йыйылыштан һуң байрам концерты ойошторолдо.

https://www.bashinform.ru/news/economy/2022-11-11/v-ishimbae-proshli-torzhestva-v-chest-90-letiya-nachala-dobychi-pervoy-bashkirskoy-nefti-3026027

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.