Республика хужалыҡтарында 31 октябргә 43,1 мең гектарҙан шәкәр сөгөлдөрө йыйып алынған, йәки ошо культура сәселгән майҙандарҙың яҡынса 98%. Сөгөлдөр сәскән 14 районда тамыраҙыҡ йыйыу тамамланған, бишәүһендә иһә эштәр һуңғы этапта.
Башҡортостандың Ауыл хужалығы министрлығы мәғлүмәттәренә ярашлы, дүшәмбегә республикала тамыраҙыҡтарҙың тулайым йыйымы – 1,302 миллион тонна, уртаса уңыш гектарынан 301,9 центнер тәшкил иткән.
Республикабыҙҙың ике шәкәр заводы 492 мең тоннаға яҡын сөгөлдөр эшкәрткән. Урындағы сеймалдан 75 мең тоннанан ашыу шәкәр етештерелгән.