Радий Хәбиров: «Башҡортостан сода компанияһы идаралығына һөҙөмтәле партнер килде»

«Беҙ Башҡортостан сода компанияһына идаралығына тейешле компетенцияларға эйә булған һөҙөмтәле партнер килеүен оҙаҡ көттөк, — тип белдерҙе республика Башлығы Радий Хәбиров тура бәйләнеш барышында. — Хәҙер «Башҡортостан сода компанияһы» йәмғиәтенең акциялар пакетының 38% — республиканыҡы, яҡынса 11%  — ышаныслы идарала. Ҡалған өлөшө тап ошо, беҙгә кәрәкле өлкәлә компетенцияларға эйә булған «Рус водороды» компанияһына ышаныслы идара итеүгә тапшырылды.

Хәҙер Башҡортостан сода компанияһы өсөн төп бурыс — ҡот осҡос санкция баҫымы шарттарында бирешмәү һәм үҙ тауарын һатыу. Проблемалар булһа ла, предприятиеның иҡтисади күрһәткестәре яҡшы. Быйыл республика үҙенең акциялары буйынса һәйбәт дивидендтар һәм килешеүҙә ҡаралған хәйриә ярҙамын алды. Тағы бер тапҡыр әйтәм: Башҡортостан сода компанияһы идаралығында алдыбыҙҙа торған проблемаларҙы тиҙ һәм һөҙөмтәле хәл итә алған партнер бар».

https://www.bashinform.ru/news/direct_line/2022-10-27/radiy-habirov-v-upravlenie-bashkirskoy-sodovoy-kompanii-prishel-effektivnyy-partner-3006345