Өфөнөң Совет районында популяр иғландар сайты аша 1882 йылғы Ҡөрьәнде һатыуға ҡуйғандар. Хужа китаптың хаҡын 2,5 миллион һумға баһалаған.
Ҡөрьән — ғаилә ҡомартҡыһы, тиелгән иғланда.
«Китап ата-әсәйемдән мираҫҡа ҡалған. 140 йыл ваҡыт үтһә лә, һәйбәт һаҡланған», — тип яҙған һатыусы.
Әйткәндәй, сайтта изге китаптар һатыла тигән иғландар бик күп, уларҙың хаҡы 50 меңдән башлана һәм бер нисә миллион һум менән тамамлана.