78.84
0
Башҡортостан һәм Өфө яңылыҡтары
93.01
0
68.28
-0.36
17+ °C
Болотло
Бөтә яңылыҡтар
Иҡтисад
5 Август 2022, 15:41
Рәсәйҙең Ауыл хужалығы министрлығы быйылғы миҙгелдә игенде экспортҡа оҙатыу планын яңынан ҡарауы ихтимал
Рәсәйҙең Ауыл хужалығы министрлығы быйылғы миҙгелдә игенде экспортҡа оҙатыу планын яңынан ҡарауы ихтимал. Был хаҡта бөгөн Рәсәй Ауыл хужалығы министрлығы оперштабының Башҡортостан Республикаһында уҙған күсмә ултырышында ауыл хужалығы министры Дмитрий Патрушев белдерҙе. Унда ҡатнашыусылар илдә урып-йыйыу эштәре барышын тикшерҙе.
Ведомство башлығы билдәләүенсә, әлеге ваҡытта барлыҡ федераль округтарҙа эштәр әүҙем бара. Майҙандың 27 проценты йыйылған, аграрийҙар 55 миллион тоннаға яҡын иген йыйып алған. Быйыл уңыш уртаса, әммә йыйылған ашлыҡтың күләме әлеге ваҡытта былтырғыға ҡарағанда аҙыраҡ. Беренсенән, яҙҙың һалҡын килеүе сәбәпле, күп кенә субъекттарҙа аграрийҙар урып-йыйыу эшенә һуңыраҡ тотондо. Икенсенән, эштәр ауыр шарттарҙа бара. Ҡайһы бер биләмәләрҙә ямғыр яуа, дымлылыҡ юғары, ел.
«Дөйөм алғанда, быларҙың барыһы ла игендең уңышы буйынса күрһәткесте 130 миллион тонна еткереү йәһәтенән хәүеф тыуҙыра. Әлбиттә, үҙебеҙҙең баҙарҙы тулыһынса тәьмин итербеҙ, проблемалар булмаҫ. Әммә планлаштырылған күләмгә өлгәшмәһәк, 50 миллион тонналыҡ экспорт планын яңынан ҡарарға тура килер. Ә бының донъяның иген баҙарында ла кире сағылыш табыуы ихтимал», – тине Дмитрий Патрушев.
Министр төбәктәрҙең вәкилдәрен уңышты сифатлы һәм ваҡытында йыйып алыу өсөн мөмкин булғандың барыһын да эшләргә саҡырҙы. Бынан тыш, киләһе йылдың баҫыу эштәренә әҙерлекте әүҙемләштерергә кәрәк.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».