Башҡортостан һәм Өфө яңылыҡтары
60.45
+0.07
61.7
+0.15
98.41
+1.01
26+ °C
Болотло
Бөтә яңылыҡтар
Иҡтисад
28 Июль , 15:48

Өфөлә «Менделеев» торлаҡ комплексының алданған өлөшсөләре күптән көткән фатир асҡыстарын алды 

Өфө хакимиәтенең матбуғат хеҙмәте
Фото:Өфө хакимиәтенең матбуғат хеҙмәте

Өфөлә «Менделеев» торлаҡ комплексының 70 алданған өлөшсөһө күптән көткән фатир асҡыстарын алды, тип хәбәр иттеләр баш ҡала хакимиәтенең матбуғат хеҙмәтенән.

Ошо проблемалы комплекс төҙөлөшө 10 йылдан ашыу элегерәк башланғайны. Күмәк көс менән Е, Ж һәм 5Л секциялары билдәләнгән ваҡыттан алдараҡ файҙаланыуға тапшырылды.

«2024 йылға муниципалитет менән берлектә ошо квартал тамамланған төҫ алһын өсөн мәсьәләне аҙағына еткерергә уйлайбыҙ», — тип белдерҙе Башҡортостандың төҙөлөш һәм архитектура министры урынбаҫары Артем Ковшов. 

Бәхетле милекселәр иҫәбендә 2014 йылда «Менделеев» торлаҡ комплексында фатир һатып алған Елена Дудина ла бар.

«Беҙгә йортто 2016 йылда уҡ төҙөп бөтөргә вәғәҙәләгәйнеләр. Фатир өсөн күп ваҡыт, нервы һәм көс сарыф ителде, шул иҫәптән судтар, беҙҙе алданған өлөшсөләр тип таныу. Ул саҡта фатирға бөтөнләй икенсе пландар ҡорғайныҡ, әммә улар тормошҡа ашманы. Хәҙер бер генә теләк — тиҙерәк ремонт яһарға һәм ҡыуанып йәшәргә, — тине ул. — Республика Башлығы Радий Хәбировҡа, мэр Ратмир Мәүлиевҡа беҙҙе иғтибарһыҙ ҡалдырмағаны һәм фатир алырға ярҙам иткәне өсөн рәхмәт».

https://www.bashinform.ru/news/economy/2022-07-28/obmanutye-dolschiki-zhk-mendeleevskiy-v-ufe-poluchili-klyuchi-ot-dolgozhdannyh-kvartir-2889162

Автор:Галина Бахшиева
Читайте нас в