Башҡортостан Хөкүмәте һәм Һаҡлыҡ банкы артабанғы хеҙмәттәшлек тураһында «юл картаһы»на ҡул ҡуйҙы
Башҡортостан Хөкүмәте һәм Һаҡлыҡ банкы 2022-2023 йылдарға хеҙмәттәшлек тураһында килешеүҙе тормошҡа ашырыу буйынса саралар планына ҡул ҡуйҙы. Был хаҡта республика хөкүмәтенең матбуғат хеҙмәте хәбәр итте.
Кисә Башҡортостан хөкүмәте премьер-министры Андрей Назаров Һаҡлыҡ банкы вәкилдәре менән осрашты. Яҡтар республиканың финанс секторын үҫтереүҙе һәм банк ҡатнашлығында яңы проекттарҙы ғәмәлгә ашырыу мөмкинлектәрен тикшерҙе.
Осрашыу барышында белдерелеүенсә, Һаҡлыҡ банкы мәғариф, һаулыҡ һаҡлау, ҡаты коммуналь ҡалдыҡтар менән эш итеү, шулай уҡ йылылыҡ, туризм һәм башҡа өлкәләрҙә концессия килешеүҙәре сиктәрендә проекттарҙы финанслауҙа ҡатнаша. Улар араһында — Өфөнөң 450 йыллығын билдәләү уңайынан объекттар төҙөү, реконструкциялау, капиталь ремонтлау һәм төҙөкләндереү.
«Ҡатмарлы социаль-иҡтисади хәлгә ҡарамаҫтан, беҙ республиканы үҫтереү пландарынан баш тартманыҡ. 2024 йылға тиклем бер нисә әһәмиәтле объект төҙөргә уйлайбыҙ. Беҙ хеҙмәттәшлектең яңы йүнәлештәрен үҫтерергә йыйынабыҙ, уларҙы төрлө яҡлап тикшерергә әҙербеҙ», — тип билдәләне Андрей Назаров.
Башҡортостан хөкүмәте премьер-министры хәбәр итеүенсә, әле вуз-кампус төҙөү проектын ғәмәлгә ашырыу әүҙем тикшерелә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.