Башҡортостан һәм Өфө яңылыҡтары
76.04
+0.27
86.86
-0.03
86.42
-0.06
-5 °C
Ҡар
Бөтә яңылыҡтар
Иҡтисад
13 Ғинуар , 11:53

Башҡортостан 4 миллиард һумға банк кредиттарын ваҡытынан алда түләп бөттө

Былтыр декабрь аҙағында Башҡортостандың Финанс министрлығы 2020 йылда бюджет дефицитын финанслау өсөн Һаҡлыҡ банкынан алынған 4 миллиард һумлыҡ  банк кредиттарын ваҡытынан алда түләп бөттө, тип хәбәр иттеләр ведомствонан. «Башҡортостан йәнә бурыс тотороҡлолоғо кимәле юғары булған төбәк статусын раҫланы», – тип билдәләне республиканың финанс министры Лира Иғтисамова.

Банк кредиттарын ваҡытынан алда ҡаплау дәүләт бурысын хеҙмәтләндереүгә тотонолорға тейешле 86,7 миллион һумлыҡ бюджет аҡсаһын экономияларға мөмкинлек бирҙе.

Уҙған йыл йомғаҡтары буйынса республиканың дәүләт бурысы – 26,6 миллиард һум, бурыс йөкләмәһе республика ҡаҙнаһына һалым һәм һалым булмаған килемдәрҙең инеүенә бәйле килемгә 17 проценттан аҙыраҡ (2020 йылғы кимәлдән түбәнерәк) тәшкил иткән. Алдан хәбәр ителгәнсә, 2021 йылда төбәк ҡаҙнаһының һалым һәм һалым булмаған килемдәре 2020 йылға ҡарата 27,5 процентҡа артҡан. Керемдәрҙең ыңғай динамикаһы эшлекле әүҙемлектең һәм табыштың артыуына бәйле, тип белдерҙеләр Финанс министрлығында.

https://www.bashinform.ru/news/economy/2022-01-13/bashkiriya-dosrochno-pogasila-bankovskie-kredity-na-4-mlrd-rubley-2652431