Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Иҡтисад
28 Декабрь 2021, 14:57

Радий Хәбиров 2022 йылға төп бурыстарҙы билдәләне

Фото:Олег Яровиков

Ковидҡа ҡаршы көрәш, үлем кимәлен кәметеү, һаулыҡ һаҡлау системаһына ярҙам итеү, хеҙмәт хаҡын арттырыу, лайыҡлы хеҙмәт шарттары булдырыу, иҡтисад инфраструктураһын киңәйтеү: кластерҙар, технопарктар, инвестиция эшмәкәрлеге буйынса инструментарийҙарҙы күтәреү, фәнде үҫтереү, шул иҫәптән ошо тармаҡҡа аҡса һалыу. 2022 йылда Өфөнөң 450 йыллығына объекттар төҙөй башлау, цифрлаштырыу.

Ошо һәм башҡа бурыстар киләһе йылда республика өсөн өҫтөнлөклө булырға тейеш, тип белдерҙе республика Башлығы Радий Хәбиров Башҡортостан Хөкүмәтендә уҙған оператив кәңәшмәлә.

Коронавирус инфекцияһы менән көрәш тураһында һөйләгәндә, Радий Хәбиров был мәсьәләлә «...беҙ уяу булырға, һәр үҙгәрештәргә иғтибар итергә тейешбеҙ» тип әйтте.

«Төп бурыс — үлемде кәметеү, һуңғы ике йылда был күрһәткес арта бара», — тип билдәләне ул.

Һаулыҡ һаҡлау системаһын артабан модернизациялау был мәсьәләне хәл итеү юлдарының береһе булып тора.

Иҡтисад өлкәһендә республика Хөкүмәтенә эш хаҡын күтәреү мәсьәләһе менән шөғөлләнергә, ауыр хәлдә ҡалған предприятиеларға ярҙам итергә кәрәк. Бынан тыш, кластерҙарҙы үҫтереүгә, технопарктар ойоштороуға, республикаға инвесторҙар йәлеп итеү өсөн яңы инструменттар булдырыуға һәм башҡа мәсьәләләргә етди иғтибар бүлеү мөһим.

Автор:Ольга Горюнова