Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Иҡтисад
27 Декабрь 2021, 14:40

Башҡортостанда һөнәрселәрҙе танытыу өсөн каталог донъя күрҙе

70 эшҡыуарҙың эштәре тупланған каталог эшҡыуарлыҡҡа ярҙам итеү буйынса милли проект сиктәрендә нәшер ителде. Каталогта оҫталарҙың эшмәкәрлеге тураһында мәғлүмәт, заказ биреү өсөн уларҙың контакттары бар.

Баҫма электрон төрҙә лә таратыла. Каталогты электрон версияһын йыл һайын тулыландырыу күҙаллана. 

«Каталог һөнәрселәргә үҙенсәлекле әйберҙәрен эске һәм тышҡы баҙарҙа үҫтереүҙә һәм танытыуҙа ярҙам итер тип ышанабыҙ», – тине Башҡортостан Республикаһы ның Эшҡыуарлыҡты үҫтереү агентлығы директоры Марсель Кашаев.

«Быйыл 40-тан ашыу оҫта дәүләт ярҙамы менән бөтә Рәсәй кимәлендәге күргәҙмәләрҙә ҡатнашты. Каталог Башҡортостандың креатив кластерын республикала ғына түгел, унан ситтә лә танытыу өсөн нәшер ителде. Бынан тыш, ул конгресс-күргәҙмәләрҙә һөнәрсе-эшҡыуарҙар өсөн таныштырыу материалы булып тора», – тип билдәләне Башҡортостандың Эшҡыуарлыҡ буйынса дәүләт комитеты рәйесе Нияз Фазылов.

Һөнәрселәрҙең күбеһе – үҙмәшғүл. Шулай уҡ, бизнес субъекттары булараҡ, уларҙы «Минең бизнес» үҙәктәрендә хеҙмәтләндереү мөмкинлеге ҡаралған.