Башҡортостан һәм Өфө яңылыҡтары
76.87
+0.54
87.13
+0.11
87.79
-0.65
-10 °C
Ҡар
Бөтә яңылыҡтар
Иҡтисад
30 Ноябрь 2021, 11:41

Республикала шифалы милли эсемлеккә патент алынды

Башҡорт дәүләт аграр университеты уҡытыусылары һәм хеҙмәткәрҙәре Башҡорт буҙаһы» эсемлеген алыу ысулына патентҡа эйә булды.

Аҙыҡ-түлек технологиялары факультеты технологтары алдына Башҡортостандың милли эсемлеген яңынан тергеҙеүҙән тыш, уның организмға күберәк файҙа килтереүенә өлгәшеү бурысы ҡуйылғайны. Мәҫәлән, эсемлектең составында ваҡ күҙәнәктәр һәм витаминдар һаҡланған.

Уның төп өҫтөнлөгө — әсеү компоненты сифатында яраҡлаштырылған таҙа культура ҡулланыуҙа, был иһә юғары сифатлы продукт алырға мөмкинлек бирә. Әскелтем-сөскөлтөм эсемлек дауалау, диетик, антибиотик үҙенсәлектәргә эйә.

2020 йылдың авгусында ошо фәнни асыш Сибай ҡалаһында «Азатова БУЗА» сауҙа маркаһы аҫтында сериялы етештереүгә индерелде. Был эсемлек «Урал аръяғы - 2021» инвестиция һабантуйында ҡатнашыусыларҙың юғары баһаһын алды.