Башҡортостан һәм Өфө яңылыҡтары
74.14
+0.47
83.71
+0.6
75.36
-0.05
-17 °C
Ҡар
Бөтә яңылыҡтар
Иҡтисад
23 Ноябрь , 14:30

Яңғыҙ ата-әсәләр командировканан һәм төндә эшләүҙән азат ителә

Уларҙы эш сәғәтенән тыш эштәргә һәм командировкаларға үҙҙәренең ризалығы менән генә йәлеп итергә мөмкин. Рәсәй Хеҙмәт кодексының яңы положениеһы 30 ноябрҙә көсөнә инә.

Бығаса сикләүҙәр 5 йәшкә тиклемге балаһы булған яңғыҙ ата-әсәләргә ҡағыла ине. Бынан тыш, әгәр хеҙмәткәр күп балалы ата-әсә йәки 14 йәшкәсә балалар тәрбиәләнгән тулы ғаиләлә ата-әсәнең береһе вахта ысулы менән эшләй икән, эш биреүсе төнгө сменала йәки эштән һуң ҡалып эшләүҙе талап итә алмай. Яңы ҡағиҙәләр буйынса, бындай хеҙмәткәрҙе эш сәғәтенән тыш йәки төнгө эшкә йәлеп итеү өсөн эш биреүсегә яҙма рәүештә уның ризалығын алырға (иң тәүҙә унан баш тартыу хоҡуғы менән таныштырырға) кәрәк. Был ҡағиҙәләр командировкаларға ҡарата ла ғәмәлдә.

Шулай уҡ закон инвалидтар һәм ауырыу туғандарын ҡараған хеҙмәткәрҙәр өсөн өҫтәмә гарантиялар билдәләй. Хәҙер уларҙы яҙма ризалыҡ менән генә командировкаға ебәрергә мөмкин.

Был турала «Российская газета» хәбәр итте.