Башҡортостан һәм Өфө яңылыҡтары
74.14
+0.47
83.71
+0.6
75.36
-0.05
-16 °C
Болотло
Бөтә яңылыҡтар
Иҡтисад
19 Ноябрь , 13:01

Өфөлә 450 йыллыҡ юбилей уңайынан яҡынса 50 миллиард һумға объекттар һалына һәм төҙөкләндерелә

Фото:Валерий Шахов

Башҡортостан Башлығы Радий Хәбиров Өфөнөң 450 йыллығына һалынырға һәм төҙөкләндерелергә тейешле объекттар исемлеге тураһында бойороҡҡа ҡул ҡуйҙы. Ошо маҡсатҡа федераль һәм республика бюджеттарынан яҡынса 50 миллиард һум аҡса тотоноу планлаштырыла.

Хәтерегеҙгә төшөрәбеҙ, тантаналар 2024 йылда ойошторола. Радий Хәбиров әйткәнсә, был юбилей ҡунаҡтар өсөн түгел, ә тәү сиратта ҡала халҡы өсөн. Шуға күрә бөтә ихаталарҙа, урамдарҙа, парктарҙа, скверҙарҙа тәртип урынлаштырыла. Төп төҙөлөш объекттары ла була, бына уларҙың бер нисәһе.

  • Яңы Евразия китапханаһы (4 миллиард)
  • "Өфө -2 ҡаласығы" археологик материалдар һаҡлағысы (1,5 миллиард)
  • Дим биҫтәһендә ишеү слаломы өсөн ҡоролмалар комплексы (396 миллион)
  • Спорт көрәше үҙәге (5,3 миллиард)
  • Фехтование үҙәге (700 миллион)
  • Математика лицейы (2,9 миллиард)
  • Кузнецов затонында 2200 урынлыҡ мәктәп (2 миллиард)
  • Һуғыш ветерандары госпиталенең яңы корпусы һәм уны йыһазландырыу (6 миллиард)
  • Октябрь революцияһы урамын (1,37 миллиард), Пугачев урамын (3,8 миллиард) төҙөкләндереү
  • Генерал Рыленко һәм Пугачев урамдары киҫелешендә юл үткәргес төҙөү (3,8 миллиард)
  • Генерал Рыленко урамын төҙөү (3,8 миллиард)
  • Кузнецов затонында Өфөнө көньяҡтан урау юлы (450 миллион)
  • Йәмәғәт транспортын модернизациялау (998 миллион)
  • Воровский урамы тәңгәлендә Ағиҙел аша күперҙе ремонтлау (4 миллиард)