Башҡортостанда ниндәй тармаҡ вәкилдәре мотлаҡ прививка яһатырға тейеш
Мотлаҡ вакцинация республикала йәшәүселәрҙең барыһына ла тиерлек ҡағыла. Был турала Башҡортостандың Республикаға идара итеү үҙәге һәм БСТ телеканалы менән берлектәге брифингта Роспотребнадзор идаралығының бүлек начальнигы вазифаһын башҡарыусы Елена Шакирова белдерҙе.
Уның һүҙҙәренсә, Башҡортостанда мотлаҡ вакцинация тураһында ҡарар сығарылған, уға ярашлы 2021 йылдың 18 декабренән бөтә эш биреүселәр QR-коды йәки коронавирусты үткәреү хаҡында белешмәһе булмаған хеҙмәткәрҙәрҙе эштән ситләтергә тейеш. Хеҙмәткәрҙәрҙең 20% прививка яһатырға ярамауы тураһында белешмәһе булыуы, уҡырға, командировкаға ебәрелгән һәм декретта ултырған хеҙмәткәрҙәр тәшкил итеүе мөмкин.
Документтан күренеүенсә, медицина, мәғариф, социаль хеҙмәтләндереү, транспорт, хоҡуҡ һаҡлау өлкәһе, күҙәтеү органдары хеҙмәткәрҙәре, Өфө аэропортында ил сиге аша үткәреү пункттарында эшләгәндәр, хәрбиҙәр, хеҙмәт һәм көнкүреш хеҙмәте өлкәһе, финанс ойошмаларының, почта элемтәһенең клиент бүлексәләре вәкилдәре мотлаҡ вакцина һалдырырға бурыслы.
11 ноябрҙән сәнәғәт, төҙөлөш һәм проектлау, ауыл хужалығы һәм эшкәртеүсе сәнәғәт өлкәһе эшселәре, шул иҫәптән гражданлыҡ-хоҡуҡи килешеү нигеҙендә эшләгән хеҙмәткәрҙәр ҙә ошо исемлеккә индерелде.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.