Башҡортостан һәм Өфө яңылыҡтары
74.14
+0.47
83.71
+0.6
75.36
-0.05
-17 °C
Ҡар
Бөтә яңылыҡтар
Иҡтисад
17 Ноябрь , 11:53

Башҡортостан торлаҡты сафҡа индереү күләме буйынса Волга буйы федераль округында беренсе урынға сыҡты

Быйыл ун айҙа республикала 2,35 миллион квадрат метр торлаҡ майҙаны файҙаланыуға тапшырылған.

Башҡортостан торлаҡты сафҡа индереү күләме буйынса Волга буйы федераль округында беренсе урынға сыҡты. Башҡортостанстат мәғлүмәттәре буйынса, 2021 йылдың ғинуар-октябрендә республикала 2,35 миллион квадрат метр торлаҡ майҙаны файҙаланыуға тапшырылған. Сағыштырыу өсөн: был уҙған йылдың ошо уҡ осор күрһәткестәренән 22,1% юғарыраҡ.

Статистика мәғлүмәттәренә ярашлы, республикала 1,26 миллион квадрат метр торлаҡ шәхси төҙөүселәр иҫәбенә төҙөлгән, был иһә 2020 йылдың ғинуар-октябре күрһәткестәренән 20% юғарыраҡ.

Бынан алда Башҡортостандың төҙөлөш һәм архитектура министры вазифаһын башҡарыусы Егор Родин республика 2024 йылға тиклем йыл һайын 2, 950 миллион, ә 2030 йылға 4 миллиондан квадрат метрҙан кәм булмаған торлаҡты файҙаланыуға тапшырырға йыйыныуы тураһында белдергәйне. Рәсәйҙә льготалы ғаилә ипотека программаһын 2023 йылдың аҙағына тиклем оҙайтыу, шулай уҡ шәхси торлаҡ төҙөлөшөнә льготалы ипотеканы ғәмәлгә ашырыу быға булышлыҡ итергә тейеш, тип иҫәпләй ведомство етәксеһе.

Торлаҡ төҙөлөшөнөң берҙәм мәғлүмәт системаһы мәғлүмәттәре буйынса, бөгөнгә Башҡортостанда төҙөлөшкә ике йөҙҙән ашыу рөхсәт ҡағыҙы бар. Төҙөүселәр дөйөм майҙаны 3,4 миллион квадрат метрлыҡ 281 йорт һала.