Башҡортостан һәм Өфө яңылыҡтары
74.14
+0.47
83.71
+0.6
75.36
-0.05
-17 °C
Ҡар
Бөтә яңылыҡтар
Иҡтисад
3 Ноябрь , 09:36

Өфөгә көньяҡтан инеү юлы һиҙелерлек үҙгәрә – Сергей Греков

Фото:Олег Яровиков

Өфөгә көньяҡтан инеү юлы – баш ҡалабыҙҙың төп ҡапҡаһы һиҙелерлек үҙгәрә, тип белдерҙе Өфө мэры Сергей Греков, Воровский урамы янынан Ағиҙел аша яңы өҫтәлмә күперҙән асылған хәрәкәткә ҡарата.

«Был көндө һәммәбеҙ ҙә түҙемһеҙләнеп көттөк, — тип яҙҙы Өфө хакимиәте башлығы социаль селтәрҙәге сәхифәһендә. — Бөгөн көньяҡтан инеү юлының – баш ҡалабыҙҙың төп ҡапҡаһының һиҙелерлек үҙгәреүен күрәбеҙ. 2021 йылда ғына беҙ Республикаға идара итеү үҙәге, Зәки Вәлиди урамы менән Октябрь проспекты киҫелешендә юл үткәргес, Ағиҙел йылғаһы ярын һәм Дуҫлыҡ монументын тоташтырған йәйәүлеләр үткәүеле, «Символ» торлаҡ комплексы төҙөп ҡуйҙыҡ. Ошо объекттарҙың барыһы ла — Өфөгә нигеҙ һалыныуҙың 450 йыллығына ҙур бүләк».

Греков билдәләүенсә, Башҡортостан Башлығы Радий Хәбировтың тырышлығы һәм ныҡышмалылығы менән ҡыҫҡа ваҡыт эсендә күпер төҙөүгә өлгәшелде.

«Беҙгә ышанған, финанс яҡтан булышлыҡ иткән «Росавтодор»ға рәхмәтлемен. Конструктив хеҙмәттәшлегебеҙ киләсәктә лә дауам итер тип ышанам. Емешле хеҙмәт һәм юғары профессионаллек өсөн төҙөүселәребеҙгә ҙур рәхмәт белдерәм һәм уларҙың алдында түбәнселек менән баш эйәм. Өфөләр һәм республика халҡы өсөн бергәләп бик мөһим эште башҡарып сыҡтыҡ», — тип йомғаҡ яһаны баш ҡала хакимиәте башлығы.

«Башинформ» хәбәр иткәнсә, 1 ноябрҙә Башҡортостан Башлығы Радий Хәбиров Өфөлә Ағиҙел йылғаһы аша яңы күпер буйлап хәрәкәткә старт бирҙе.

 

Автор:Галина Бахшиева