Башҡортостан һәм Өфө яңылыҡтары
74.14
+0.47
83.71
+0.6
75.36
-0.05
-17 °C
Ҡар
Бөтә яңылыҡтар
Иҡтисад
28 Октябрь , 15:10

Республикала инвесторҙарға ололар өсөн пансионат төҙөү проекты әҙерләнде

Ҡырҡ урынлыҡ социаль учреждениены Шишмә районы Тәпәреш ауылында асыу күҙаллана.

Инвестиция тәҡдимен Башҡортостан Республикаһының Үҫеш корпорацияһы әҙерләгән. Проектты дәүләт-шәхси партнерлыҡ сиктәрендә ғәмәлгә ашырыу планлаштырыла. Уның хаҡы 7,9 миллион һум күләмендә иҫәпләнә, тормошҡа ашырыу ваҡыты — өс йыл, эш урындары һаны — 19. Ошо 15 йылда учреждение яҡынса 92,6 миллион һум табыш алырға тейеш.

«Шәхси пансионатта льготалы шарттарҙа, шулай уҡ пенсияның бер өлөшө иҫәбенә йәшәргә мөмкин. Опекалағы кешеләр өсөн сифатлы туҡланыу ойошторола, кәрәкле инфраструктура менән тәьмин ителә. Пансионатта пандустар һәм лифттар ҡуйыу планлаштырыла. Өлкәндәрҙең дауалау физкультураһы һәм төрлө хобби менән шөғөлләнеү мөмкинлеге була. Проектты бойомға ашырыуҙан ыңғай социаль-иҡтисади һөҙөмтә көтөлә. Социаль хеҙмәттәрҙән файҙаланыуҙы арттырыу, яңы эш урындары, шулай уҡ бюджет аҡсаһын экономиялау һәм һалым керемдәре», — тине Башҡортостан Республикаһы Үҫеш корпорацияһының генераль директоры Наил Ғәббәсов.