Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Иҡтисад
14 Октябрь , 14:57

Башҡортостанда 75 ғаилә ауыл биләмәләрен үҫтереү программаһы аша торлаҡ шарттарын яҡшыртасаҡ

Республиканың «Ауыл биләмәләрен комплекслы үҫтереү» (КРСТ) дәүләт программаһын тормошҡа ашырыуҙа ҡатнашыуы 75 ғаиләгә торлаҡтарын яҡшыртырға мөмкинлек бирәсәк.
«Дәүләт программаһының ауыл биләмәләрен комплекслы үҫтереүҙәге роле баһалап бөткөһөҙ. Муниципалитеттар программала ҡатнашҡас, ауылдар күҙгә күренеп күркәмләнә. 2021 йылда төбәктә дәүләт программаһының 9 йүнәлешендә сараларҙы тормошҡа ашырыу ҡаралған, – тине БР вице-премьеры – ауыл хужалығы министры Илшат Фазрахманов. — Финанслау күләме 1,5 млрд һум тәшкил иткән 80 объект төҙөү күҙаллана».
Ул быйыл 48 ғаиләнең торлаҡ шарттарын яҡшыртыу өсөн субсидиялар алыуы тураһында хәбәр итте. Бынан тыш, тағы 27 ғаиләгә ҡуртым килешеүе аша бирелеүгә төҙөлгән йорттарҙа фатир бүленәсәк. Шулай итеп дәүләт программаһы Башҡортостандың 75 ғаиләһенә яңы йорт туйларға мөмкинлек бирәсәк.
Бынан тыш, дәүләт программаһы аша 17 районда ауыл биләмәләрен төҙөкләндереү өсөн 35 проект тормошҡа ашырылған, 26 км газ үткәргесе, 44 км һыу үткәргесе ҡоролған. Ауыл биләмәләрен комплекслы үҫтереү проекттары буйынса Әлшәй районының Раевка ауылында 375 урынлыҡ мәктәп, Борай районының Борай ауылында физкультура-һауыҡтырыу комплексы төҙөлә башлаған. Быға өҫтәп, Благовар һәм Борай райондарында дүрт комплекслы торлаҡ төҙөлөшө алып барыла тип хәбәр иттеләр БР Ауыл хужалығы министрлығының матбуғат хеҙмәтенән.
Автор:«Башинформ» мәғлүмәт агентлығы