Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
1+ °C
Ҡар
Бөтә яңылыҡтар
Иҡтисад
13 Октябрь 2021, 15:51

Башҡортостан фермерҙары йыл башынан донъяның 19 иленә иген оҙатҡан

Республиканың ауыл хужалығы етештереүселәре 2021 йылдың туғыҙ айында иген һәм уны эшкәртеү продукттарын 19 илгә экспортлаған.
Россельхознадзорҙың БР буйынса идаралығы белгестәре ситкә оҙатыласаҡ 125,43 мең тонна иген һәм уның продукттарын тикшергән.
Башҡортостан игене Бельгия, Венгрия, Германия, Дания, Нидерландтар, Норвегия, Польша, Латвия, Литва, Ҡытай, Монголия, Төркиә илдәренә, элекке союз республикалары Әзербайджанға, Әрмәнстанға, Беларусь Республикаһына, Грузияға, Ҡаҙағстанға, Ҡырғыҙстанға, Үзбәкстанға оҙатылған. Йәмғеһе 75,96 мең тонна иген культуралары ситкә ебәрелгән. Был күләмгә 46,52 мең тоннанан ашыу арпа, 15,09 мең тонна бойҙай, 8,92 мең тонна етен, 2,47 мең тонна арыш, 750 тонна ҡарабойҙай, 260 тонна гәрсис тура килә.
Йөк партияларынан һайлап алынған пробалар тикшереү үткән, карантинға тура килгән үҫемлекселек продукцияһы импортлаусы илдәрҙә ғәмәлдә булған талаптарға кәрәкле фитосанитар документтар алған.
Россельхознадзорҙың БР буйынса идаралығы 2277 экспорт фитосанитар сертификаты биргән.
Автор:IMPORT Сервисный
Читайте нас: