Башҡортостан һәм Өфө яңылыҡтары
74.06
+0.09
83.81
-0.02
71.95
+2.28
0 °C
Болотло
Бөтә яңылыҡтар
Иҡтисад
12 Октябрь , 19:00

Башҡортостанда юлдарҙы ҡышҡыһын ҡарауға әҙерлек уртаса алғанда 80% тәшкил итә

«Башинформ» мәғлүмәт агентлығы
Юл хеҙмәттәренең ҡыш миҙгелендә эшләүгә тулыһынса әҙерлеге 1 ноябргә көтөлә.
Әле федераль юлдар 100%-ҡа (инфраструктура һәм техника), Өфө буйлап —70% (техника), республика юлдары— техника буйынса 77%, инфраструктура буйынса 97% әҙер. Һуңғыһына эшселәрҙең һәм водителдәрҙең ял итеүенә һәм йылыныуы өсөн бүлмәләр, теника өсөн йылытылған туҡталғалар, боҙлауыҡҡа ҡаршы материалдарҙы әҙерләү һәм һаҡлау базалары инә.
Әйткәндәй, боҙлауыҡҡа ҡаршы запастарҙың етерлек булыуы ҡышҡы эштә мөһим роль уйнай. “Урал алды” автомобиль юлдары идаралығы подрядсылары федераль трассаларҙы эшкәртеү өсөн 20 мең тонна ҡом-тоҙ ҡатнашмаһы (талап ителгән күләмдән 74%), 22 мең тонна реагент (81%) әҙерләгән.
Өфөлә боҙлауыҡҡа ҡаршы реагент запастары— галит (техник тоҙ) һәм бионорд 4,182 мең тонна тупланған. Тағы ла 12 мең тонна материал һатып алыу иғлан ителгән.
Республика юлдарын ҡарау өсөн 232 мең тонна ҡом (82%), 23 мең тонна тоҙ (64%) әҙерләнгән. Ҡом-тоҙ ҡатнашмаһы запасы 136 мең тонна тәшкил итә.
Автор:«Башинформ» мәғлүмәт агентлығы