92.13
-0.37
Башҡортостан һәм Өфө яңылыҡтары
98.71
-0.2
89.32
+0.21
17+ °C
Болотло
Бөтә яңылыҡтар
Иҡтисад
6 Октябрь 2021, 15:42
НЕФАЗ маркалы 60 яңы автобус Өфө маршруттарына сыҡты
Валерий Шахов
Бөгөн «Өфө-Арена» алдындағы майҙанда Башҡортостан Башлығы Радий Хәбиров «Башавтотранс» дәүләт унитар предприятиеһының транспорт предприятиелары директорҙарына НЕФАЗ маркалы 60 автобус асҡысы тапшырҙы.
Автобус водителдәренә мөрәжәғәт итеп, Радий Хәбиров бының Республика көнө уңайынан баш ҡала халҡына һәм ҡунаҡтарына шәп бүләк булыуын билдәләне.
«Өфөлә пассажирҙар ташыу һәм автобустар камил булһын өсөн тырышабыҙ. Күп ҡатмарлыҡтар һәм ҡаршылыҡтар ҙа бар, әлбиттә, ләкин беҙ быларҙың барыһын да еңәбеҙ. «Башавтотранс»ты нығытыу, уның хеҙмәткәрҙәренә ятаҡ төҙөү ниәте бар. Һәр ваҡыт предприятие етәкселегенән эш хаҡын да арттырыуҙы һорайым. Имен-һау эшләүегеҙҙе, пассажирҙарҙан яҡшы һүҙҙәр ишетеүегеҙҙе теләйем. Ғаиләләрегеҙгә изгелек һәм именлек. Хеҙмәтегеҙ өсөн рәхмәт», — тине республика етәксеһе.
Радий Хәбиров бөгөн үк 57-се маршрутҡа сығырға тейешле автобусты ҡараны. Ул, башҡа машиналар кеүек үк, пассажирҙарға мәғлүмәт еткереүҙең электрон системаһы, ГЛОНАСС, водителдең эшен контролдә тотоу өсөн тахограф менән йыһазландырылған.
«Башавтотранс» предприятиеһының генераль директоры Надир Самиев һөйләүенсә, уларҙың заказы буйынса завод ҡышҡы шарттарҙа салонды йылытыу өсөн өҫтәмә мейестәр ҡуйған.
Башҡортостан Башлығы автобустарҙа битлек режимын үтәүҙең мөһимлеген билдәләне, водителдәрҙән һәм кондукторҙарҙан пассажирҙарға ошо хаҡта даими иҫкәртеп тороуҙарын һораны.
2021 йылда «Башавтотранс» предприятиеһы республика бюджеты аҡсаһы иҫәбенә 2,1 миллиард һумға 220 автобус һатып алды. Бөгөнгә 120 Вектор Next, 60 НЕФАЗ предприятие балансына күсерелде.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».