Башҡортостан һәм Өфө яңылыҡтары
92.59
+0.02
100.27
-0.14
85.78
+0.37
1+ °C
Ҡар
Бөтә яңылыҡтар
Иҡтисад
5 Октябрь 2021, 12:52

Республикала уртаса эш хаҡы аталды

Валерий Шахов
Валерий Шахов
2021 йылдың ғинуар-июлендә Башҡортостанда уртаса эш хаҡы 40 294 һум тәшкил иткән. Был 2020 йылдың ғинуар-июленә ҡарағанда 8,1 процентҡа күберәк. Реаль иҫәпләнгән хеҙмәт хаҡы 2,2 процентҡа артҡан, тип хәбәр итте республика статистиктары.
Башстат мәғлүмәттәре буйынса, быйыл июлдә уртаса эш хаҡы 40 641 һумдан ашып киткән.
Ғәҙәттәгесә, иң юғары хеҙмәт хаҡын кокс һәм нефть продукттары етештереү менән мәшғүлдәр ала. 2021 йылдың ете айында — 81 106 һум тирәһе. Был уҙған йылдың ғинуар-июленә ҡарағанда 1,4 процентҡа күберәк.
Шартлы икенсе урында — химик матдәләр һәм химия продукттары производствоһы эшселәре. Ошо өлкәлә уртаса хеҙмәт хаҡы 60 427 һум тәшкил иткән (үҫеш 10,2 процент).
Фәнни һәм техник эшмәкәрлек менән шөғөлләнгәндәр өсөнсө урынды биләй. Уртаса алғанда, 57 867 һум (үҫеш 8,4 процент).
Башҡортостанда иң түбән эш хаҡы — мебель эшләү өлкәһендә. Быйыл ете айҙа — уртаса 15 319 һум. 2020 йылдың ошо уҡ осоро менән сағыштырғанда, улар 17,9 процентҡа күберәк ала башлаған, тип йомғаҡ яһаны статистиктар.
Автор:Галина Бахшиева
Теги:эш хаҡы
Читайте нас: