Суббота, 23 Мая 2026

Уфа

+21 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

05:25 (UTC+5), 28 Сентября 2021

Радий Хәбиров Башҡортостандың төҙөлөш тармағы һәм транспорт өлкәһе мөмкинлектәрен баһаланы

Олег Яровиков

Азат Ғиззәтуллин

Башҡортостан Башлығы Радий Хәбиров «Урал транспорты», «Төҙөлөш» һәм «Күсемһеҙ милек» күргәҙмәләрендә төҙөлөш һәм транспорт өлкәһендәге яңы проекттар менән танышты, республиканың төп транспорт предприятиелары һәм төҙөлөш ойошмаларының экспозицияларын ҡарап сыҡты.

«Урал транспорты» күргәҙмәһе илдә ҙур төбәк тармаҡ экспозицияһы булып тора. Унда йыл һайын юл-төҙөлөш ойошмалары, техника һәм ҡорамал етештереүселәр, ватан һәм сит ил автомобиль эшләүселәр дилерҙары, юл-транспорт инфраструктураһы, хеҙмәттәр технологияларын һәм объекттарын булдырыусылар ҡатнаша.

«Башавтотранс» предприятиеһы «ВДНХ-Экспо» алдындағы майҙанда ике яңы пассажир автобусын күрһәтте, улар араһында «НЕФАЗ» акционерҙар йәмғиәте бар. «Башавтотранс»тың генераль директоры Надир Самиев республика етәксеһенә ошо көндәрҙә Өфөлә «НефАЗ» һәм «Вектор Next» маркалы 60 яңы автобустың популяр маршруттарға сығыуы тураһында һөйләне.

«Автобустар пассажирҙарҙы автобустарҙың етмәүе күҙәтелгән йүнәлештәр буйынса йөрөтә. Улар — 51-се, 69-сы, 75-се, 39-сы, 30-сы и 30К кеүек маршруттар. Бер нисә берәмек техниканы ҡала янына бүлдек. Ике йыл элек кенә «Башавтотранс» Өфөлә тәүлек һайын 98 мең пассажир йөрөтһә, хәҙер был һан 260 меңдән ашыу пассажир тәшкил итә», — тине Надир Самиев.

Радий Хәбиров коммуналь һәм юл техникаһы өлгөләре менән танышты, «Башкиравтодор» вәкилдәре уға юл төҙөлөшөндәге яңы технологиялар хаҡында һөйләне.

Күргәҙмә комплексында иһә төп төҙөлөш компаниялары үҙҙәренең экспозицияларын ойошторҙо. Төҙөлөш компаниялары етәкселәре менән аралашҡанда Радий Хәбиров баш ҡалала яңы биҫтәләр төҙөү пландары менән ҡыҙыҡһынды.

Республиканың төҙөлөш министрлығы майҙансығында Башҡортостан Башлығына Көрәш һарайы һәм «Урал-Арена» волейбол комплексының макеттарын күрһәттеләр.

Рәсәй тимер юлдары стендында Радий Хәбиров Куйбышев тимер юлы начальнигы Вячеслав Дмитриев менән Өфө тимер юлы ҡулсаһын төҙөү планын тикшерҙе.

Проекттың хаҡы — яҡынса 6 миллиард һум.Төҙөлөш-монтаж эштәрен 2022-2024 йылдарҙа башҡарыу күҙаллана. Яҡынса планға ярашлы, республика ике юл күпере (Өфө — аэропорт трассаһында һәм Чесноковка ҡасабаһы янында) төҙөлөшөн финанслауҙы үҙ өҫтөнә ала.

«Өфө» халыҡ-ара аэропорты етәкселеге аэровокзал комплексын артабан яңыртыуҙың нисек дауам итәсәге тураһында һөйләне. Алдағы ике йылда өс терминалды берҙәм архитектура концепцияһына берләштереү һәм вокзал яны майҙанының үҙәк секторын яңыртыу планлаштырыла. Яңы ҡунаҡхана төҙөү планы ла бар.

Радий Хәбиров республиканың һауа ҡапҡалараны яңыртыу эштәренең 2024 йылға, Өфөнөң 450 йыллыҡ юбилейына тамамланырға тейешлеген иҫкә төшөрҙө.

https://www.bashinform.ru/news/1650612-radiy-khabirov-otsenil-vozmozhnosti-stroitelnoy-otrasli-i-transportnoy-sfery-bashkirii-/

1 из 20

#төҙөлөш #транспорт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.