Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
13 Сентябрь 2021, 14:35

Өфөлә йылытыу миҙгелендә халыҡ менән эшләү штабы булдырыла

Валерий Шахов
Валерий Шахов
Өфөлә йылытыуға, ҡар көрәүгә бәйле һәм башҡа мәсьәләләрҙе контролдә тотоу буйынса йылытыу миҙгелендә эшләү штабы булдырыла.
Бер аҙна элек Башҡортостан Башлығы Радий Хәбиров мэрияға ошондай штаб булдырыу бурысын йөкмәтте.
«Штабтың төп бурысы – халыҡтың йылытыу, ҡарҙан таҙартыу һәм башҡа коммуналь проблемалар буйынса мөрәжәғәттәренә тиҙ арала яуап биреү. Социаль көсөргәнешлек тыуҙырмаҫ өсөн ошо мәсьәләләрҙе хәл итеү», — тип белдерҙе Өфө хакимиәте башлығының беренсе урынбаҫары Марат Ғәйфуллин Башҡортостан хөкүмәтендә уҙған оператив кәңәшмәлә.
Уның һүҙҙәренсә, штабҡа халыҡтың мөрәжәғәттәре дүрт бәйләнеш каналы буйынса ебәрелә. Йылытыу миҙгелендә эшләү буйынса штабҡа ғариза биреү өсөн Өфөнөң Граждандарҙы яҡлау идаралығындағы Берҙәм колл-үҙәккә шылтыратырға (277-09-11), Берҙәм иҫәп-касса үҙәге һәм ресурстар менән тәьмин итеү ойошмалары офистарына мөрәжәғәт итергә йәки мэрия сайтында ҡушымтанан һәм телеграмм-боттан файҙаланырға мөмкин.
Башланғыс этапта колл-үҙәктә 12 операторҙың эшләүе планлаштырыла.
Республика етәксеһе Радий Хәбиров фекеренсә, Өфө хакимиәте лә халыҡ ярҙам һорап мөрәжәғәт итһен өсөн ҡала үҙәгендә бина бүлергә тейеш.
«Һеҙҙең бурыс – беҙҙе күрә алмай башлағансы проблеманы хәл итеү. Был – муниципаль бурыс», — тине Башҡортостан Башлығы, Өфө мэры вазифаһын ваҡытлыса башҡарыусы Марат Ғәйфуллиндың докладын тыңлап бөткәс.
Автор:Галина Бахшиева
Читайте нас: