Башҡортостанда иген майҙандарының 91% һуғылған

Башҡортостанда иген йыйыу тамамлана. Ауыл хужалығы министрлығы мәғлүмәттәре буйынса, 1,36 миллион гектарҙа сабылған, 1,35 миллион гектарҙа һуғылған. Бөгөнгә 1,83 миллион тонна иген йыйылған — 1,28 миллион тонна яҙғы культура һәм 550 мең тонна ужым ашлығы. Уңыш буйынса Ҡырмыҫҡалы районы алда бара — гектарынан 24,9 центнер. Урып-йыйыу кампанияһы йомғаҡтары буйынса 2 миллион тоннанан ашыу ашлыҡ йыйыу планлаштырыла (2020 йылда рекордлы күләмдә — 4 миллион тонна йыйылған).

Май бирә торған үҫемлектәрҙе йыйыуҙың ҡыҙыу мәле. 39 райондың рапс, гәрсис, соя, көнбағыш һәм башҡа культуралар сәселгән баҫыуҙарында эш гөрләй. 40,2 мең гектар — бөтә күләмдең 11 % һуғылған. Ҡыҙғанысҡа ҡаршы, әлегә уңыш буйынса һандар түбән — гектарынан 8,5 центнер.