Путин «Башҡортостан сода компанияһы»ның 50% + 1 акцияһын Башҡортостанға тапшырҙы

«Компанияның оҙаҡ сроклы, һөҙөмтәле эшен һәм конкурентлыҡҡа һәләтле продукция сығарыуҙы тәьмин итеү мөһим, — тине Владимир Путин 31 мартта Рәсәй Хөкүмәте ағзалары менән кәңәшмәлә. — Кешеләр өсөн хеҙмәт хаҡын, эш урындарын һаҡлап ҡалыу бик мөһим. Төп мәсьәләләрҙең береһе – предприятие менән грамоталы идара итеү. Был йәһәтән ҡарарҙар ҡабул ителде. Рәсәй Хөкүмәтенән Башҡортостан сода компанияһы акцияларының 38,3% Башҡортостан Республикаһына тапшырыуҙы һорайым. Ләкин, бынан тыш, тағы 11,7% плюс бер акция – республика Хөкүмәтенең тулы контролендә булған структураларға ышаныслы идараға тапшырыуҙы һорайым. Тимәк, республика был компания менән тулыһынса идара итергә мөмкин».