Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Иҡтисад
1 Февраль 2021, 16:47

Башҡортостан Италия менән сауҙа һәм туристик хеҙмәттәшлекте үҫтерә

Наталья Овчарук
Наталья Овчарук
Башҡортостан Италия менән сауҙа һәм туристик хеҙмәттәшлек тураһында һөйләшеп килеште. Республика хөкүмәте премьер-министры Андрей Назаров Итало-Рәсәй сауҙа палатаһы президенты Трани Винченцо менән осрашыуҙан һуң ошо хаҡта белдерҙе.
Андрей Назаров хәбәр итеүенсә, һуңғы ете йылда яҡтар араһында тышҡы сауҙа әйләнеше кәмеһә лә, быйыл Башҡортостандан Италияға экспорт артҡан.
«Пландарыбыҙ ҙур – Башҡортостандан ауыл хужалығы, медицина, еңел сәнәғәт продукцияһы менән тәьмин итеүҙе киңәйтеү мөмкинлектәре бар. Берлектәге саралар ҙа Италия менән мөнәсәбәттәребеҙҙе нығытырға тейеш. Әйтәйек, «Кремонини групп» башлығы иҫәпләүенсә, Башҡортостан – ит етештереү өсөн идеаль урын», – тип һөйләне премьер-министр.
Назаров һүҙҙәренсә, яҡтар туристик ағымды киңәйтеү хаҡында килеште. Башҡортостан палата вәкилдәрен Өфөгә World Travel Technology Awards премияһын тапшырыу тантанаһына саҡырҙы. Республика эшҡыуарҙары, үҙ сиратында, Италияла махсуслаштырылған күргәҙмәләрҙә бушлай ҡатнаша ала.
Автор:«Башинформ» мәғлүмәт агентлығы
Читайте нас в