Башҡортостан 2024 йылға ауыл хужалығы продукцияһын эшкәртеү буйынса Волга буйы федераль округында беренсе урынға сығырға тейеш

Олег Яровиков

Азат Ғиззәтуллин

Башҡортостан Башлығы бөгөн үҙенең йыллыҡ Мөрәжәғәтнамәһендә белдереүенсә, былтыр ауыл хужалығы хеҙмәткәрҙәре һөҙөмтәле эшләне, республика Рәсәйҙең игенгә бай төбәктәренең береһе тигән статусын нығытты. Агропродукцияның күләме 177 миллиард һум тәшкил итте. Агросәнәғәт комплексы экспорты бер ярым тапҡырға – 165 миллион долларға тиклем артты. Радий Хәбиров ауылда йәшәүселәрҙең барыһына ла уларҙың хеҙмәте өсөн рәхмәт әйтте.

Бөгөн бында аграр фронт геройҙарының береһе – Федоровка районының Фрунзе исемендәге ауыл хужалығы предприятиеһы механизаторы Риф Ҡантимеров саҡырылғайны. Уның эш стажы – 35 йыл.

«Юғары уңыш беҙҙең йыллыҡ күрһәткестәр булырға тейеш. Үҙебеҙҙең Ауыл хужалығы министрлығы алдына 2024 йылға игендең уңышын 5 миллион тоннаға еткереү бурысын ҡуям. Былтыр аграрийҙарыбыҙ тәүге тапҡыр 10 миллиард һумлыҡ ауыл хужалығы техникаһы һатып алды. Һатып алынған техника һаны буйынса беҙ – иң яҡшы өс төбәк иҫәбендә. Беҙҙә ауыл хужалығы иҡтисадын йәнләндерергә һәләтле инициативалы шәхси эшҡыуарҙарҙың хәрәкәте нығыныуы бик шәп. Пандемия осоронда беҙҙә бер тауарға ла ҡытлыҡ булманы. Ләкин етештереүселәр, эшкәртеүселәр һәм сауҙа ойошмаларының үҙ-ара килешеп эш итеүен «баҫыуҙан кәштәгә тиклем» принцибы буйынса яйға һалырға кәрәк. Быҙ ошо процесты башланыҡ, эшкәртеү күләме буйынса Волга буйы федераль округында алтынсы урынды биләйбеҙ. 2024 йылға Башҡортостан икенсе урынға сығырға тейеш тигән бурыс ҡуйҙым. Уны хәл итербеҙ, үҙебеҙҙең аҙыҡ-түлек хәүефһеҙлеген нығытырбыҙ», — тип билдәләне Радий Хәбиров.

https://www.bashinform.ru/news/1551600-bashkiriya-k-2024-godu-dolzhna-vyyti-na-pervye-mesta-v-pfo-po-pererabotke-selkhozproduktsii/

#башҡортостан республикаһы башлығы мөрәжәғәтнамәһе #ауыл хужалығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.