Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
22 Декабрь 2020, 10:45

Республикала 2021 йылға күп фатирлы йорттарҙы капиталь ремонтлау планы билдәләнде

автор
автор
2021 йылда Башҡортостанда дөйөм суммаһы 4,2 миллиард һумға 905 күп фатирлы йортҡа капиталь ремонт эшләү, шул иҫәптән 458 лифтты алмаштырыу планлаштырыла. Быйыл 11 ай йомғаҡтары буйынса халыҡтан капремонт өсөн аҡса йыйыу кимәле 93,6% тәшкил итә. «Башинформ» мәғлүмәт агентлығына Башҡортостан Республикаһының Торлаҡ-коммуналь хужалыҡ министрлығында ошондай мәғлүмәт бирҙеләр.
2014 йылда башланған һәм 30 йылға иҫәпләнгән Күп фатирлы йорттарҙағы дөйөм мөлкәтте капиталь ремонтлау республика программаһына 17 023 бина индерелгән, шуларҙың 5 050-һе Өфөлә урынлашҡан. Һуңғы алты йылда республикала 6,5 мең йортта (программаға индерелгәндәрҙең дөйөм һанынан 39%) эштәрҙең бер йәки бер нисә төрө башҡарылған. 2020 йылда 800 күп фатирлы йортта дөйөм суммаһы 4 миллиард һумға капиталь ремонт эшләнгән.
Башҡортостанда капиталь ремонт буйынса эштәрҙең бөтә төрҙәренә лә гарантия – 5 йыл. Был осорҙа подрядсы асыҡланған етешһеҙлектәрҙе үҙ иҫәбенә бөтөрөргә тейеш ( вандализм һәм башҡарылған ремонттың сифатына ҡарамаған башҡа факторҙарҙан тыш).
Автор:Сергей Николаев
Читайте нас: