Башҡортостан ауыл ипотекаһы күләме буйынса өс лидер иҫәбенә инде
Башҡортостан Республикаһының Ауыл хужалығы министрлығы
Башҡортостанда йәшәүселәр льготалы ауыл ипотекаһы программаһы буйынса 3,7 миллиард һумға 1818 кредит алды, тип хәбәр иттеләр республиканың Ауыл хужалығы министрлығынан. Республика Ленинград һәм Новосибирск өлкәләре менән бер рәттән лидерҙар иҫәбендә.
Рәсәйҙә кредитлау күләме – 59,7 миллиард һум, был 1,6 миллион квадрат метр торлаҡ һатып алырға йәки төҙөргә мөмкинлек бирергә тейеш. Ауыл ипотекаһының күләме 25 йылға тиклем 3 миллион һум тәшкил итеүе ихтимал. Процент ставкаһы йылына – 0,1%-тан 3%-ҡа тиклем, ә төп ставканы (йылына 8% самаһы) Рәсәйҙең Ауыл хужалығы министрлығы ҡаплай.