«Бәләбәй» йылдам социаль-иҡтисади үҫеш биләмәһендә ит эшкәртеү комбинаты төҙөлә

Дмитрий Мөхәмәтҡолов

Азат Ғиззәтуллин

«Бәләбәй» йылдам социаль-иҡтисади үҫеш биләмәһендә заманса ит эшкәртеү комбинаты төҙөлә. Инвестицияларҙың дөйөм күләме 10 миллиард һум кимәлендә тиерлек планлаштырыла. Был әлеге көндә республикала ҙур проекттарҙың береһе булып тора. «Таврос» компанияһы предприятиела шәхси сусҡасылыҡ комплекстарында үҫтерелгән сусҡа итен эшкәртергә һәм комбинатта колбаса изделиелары, деликатестар етештерергә ниәтләй. Һуғымдың ҡеүәте – йылына 1 миллион баш, әҙерләү — йылына 92 мең тонна.

Бөгөн Башҡортостан Башлығы Радий Хәбиров Бәләбәй районына эш сәфәре барышында төҙөлөш майҙансығы урынын ҡараны. Башҡортостан ит компанияһының генераль директоры Ринат Зәйнуллин һөйләүенсә, предприятиеның дөйөм майҙаны яҡынса 70 мең квадрат метр була.

«Алдан уйланылғанса, 1200 яңы эш урыны булдырыла. Тәрән эшкәртеү менән тулы ябыҡ цикл була. Беренсе этапта ит-колбаса изделиелары производствоһынан тыш цехтар төҙөлә. Компания проект-эҙләп табыу, ваҡытлыса электр менән тәьмин итеү, ваҡытлыса юл, төҙөлөш майҙансығы әҙерләү эштәренә миллион һумдан ашыу аҡса бүлде лә инде», — тип һөйләне Ринат Зәйнуллин.

Башҡортостан ит компанияһы булған инженер һәм транспорт инфраструктураларына технологик тоташтырыу мөмкинлектәре буйынса алдан килешеү документтарын алды. Һаҡлыҡ банкы һәм «Промсвязьбанк» менән проектҡа оҙайлы финанслау йәлеп итеү буйынса эш алып барыла. Ноябрь аҙағына инфраструктура объекттары сығымдарын берлектә финанслауға ғариза төҙөү тамамлана.

«Бәләбәй, ғөмүмән, тотош республика өсөн бик мөһим проект. Ит эшкәртеү комбинаты. Төҙөлөштө башлау өсөн майҙансыҡ әҙер. 10 миллиард инвестиция, 1200 эш урыны. Был - республикала инвестиция мөхитен булдырыу һөҙөмтәһе, ул хатта пандемия шарттарында ла проекттарҙы ваҡытлыса туҡтатмаҫҡа мөмкинлек бирҙе», — тип яҙҙы Радий Хәбиров социаль селтәрҙәге сәхифәһендә.

1 из 2

https://www.bashinform.ru/news/1525465-v-toser-belebey-budet-postroen-sovremennyy-myasopererabatyvayushchiy-kombinat/

#инвестициялар #йылдам социаль иҡтисади үҫеш биләмәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.