Башҡортостан һәм Өфө яңылыҡтары
87.96
0
94.26
0
85.07
-0.57
17+ °C
Болотло
Бөтә яңылыҡтар
Иҡтисад
10 Ноябрь 2020, 16:12

Республикала һөт ҡиммәтләнде

Валерий Шахов
Валерий Шахов
Башҡортостанда пастеризацияланған айыртылмаған һөткә хаҡтың артыуы күҙәтелә, тип хәбәр иттеләр республика статистиктары.
Башстат мәғлүмәттәре буйынса, республикала октябрҙә 2,5-3,2% ҡуйылыҡтағы пастеризацияланған һөттөң бер литры уртаса 51,75 һумға етте. Ғинуарҙа Башҡортостанда йәшәүселәргә ошонай уҡ һөт 50,06 һумға төшә ине.
Ғәҙәттәгесә, пастеризацияланған һөткә хаҡ буйынса иң ҡиммәт ҡала — Өфө. Октябрҙә өфөләр уны уртаса 53,72 һумға һатып алды.
Шартлы икенсе урында – Нефтекама – бер литры 49,53 һум тора.
Өсөнсөлә – Стәрлетамаҡ (47,91 һум).
Ә иң арзан һөт – Сибайҙа, бер литры уртаса 47,03 һум тора, тип йомғаҡ яһаны статистиктар.
Автор:Галина Бахшиева
Читайте нас: