Республика аграрийҙары шәкәр сөгөлдөрөн ҡаҙыуға төштө

Башҡортостан аграрийҙары шәкәр сөгөлдөрөн йыя башланы. Шишмә һәм Кушнаренко райондарында «Башкирагроинвест» яуаплылығы сикләнгән йәмғиәтендә татлы тамыр ҡаҙыуға төштөләр. Тамыраҙыҡтарҙың уртаса уңышы гектарынан 390 центнер тәшкил итә. Республикала иген культуралары менән бер үк ваҡытта май культураларын йыйыу бара. Аҙна башына төбәк аграрийҙары 33 мең гектар рапс, етен, гәрсис һәм соя йыйған, 32 мең тонна май культуралары орлоғо һуғып алынған, уртаса уңыш – гектарынан 9,7 центнер.

Шулай уҡ төбәктә 2021 йылғы уңыш өсөн ужым культураларын сәсеү дауам итә. 333 мең гектар майҙанда эштәр башҡарылған, был пландан 66%, тип белдерҙеләр Башҡортостан Ауыл хужалығы министрлығының матбуғат хеҙмәтендә.