Торлаҡ-коммуналь хеҙмәттәр өсөн бурысты ҡайтарғандан һуң берҙәм аҡсалата компенсация түләү автоматик рәүештә тергеҙелә – Хеҙмәт министрлығы

Галина Бахшиева

Ике ай эсендә торлаҡ-коммуналь хеҙмәттәр өсөн бурысты ҡайтарғандан йәки уны түләү буйынса килешеү төҙөгәндән һуң льготаға хоҡуҡлыға берҙәм аҡсалата компенсация түләү тергеҙелә, тип белдерҙеләр Башҡортостандың Хеҙмәт министрлығында.

«Башинформ» хәбәр иткәнсә, 1 сентябрҙән льготаға эйә булғандар торлаҡ-коммуналь хеҙмәттәргә түләү өсөн тотонолған фактик сығымдар буйынса ай һайын индивидуаль күләмдә аҡсалата компенсация ала.

Һуңғы мәғлүмәттәр буйынса, республикала граждандарҙың льготалы категорияларына ҡараған 664 мең кеше йәшәй. Атап әйткәндә, берҙәм аҡсалата компенсация Бөйөк Ватан һуғышы ветерандарына һәм хәрби хәрәкәттәрҙә ҡатнашыусыларға, инвалидтарға, ишле, инвалид бала тәрбиәләгән ғаиләләргә, тыл эшсәндәренә, чернобылселәргә, хеҙмәт ветерандарына түләнә.

664 мең кешенән 92 меңенең коммуналь хеҙмәттәр өсөн бурысы бар. Уларға сентябрҙә айлыҡ аҡсалата компенсация түләнмәй.

1 сентябрҙән льготалы кешегә социаль түләү торлаҡ-коммуналь хеҙмәттәр буйынса бурысы булмаһа ғына бирелә. Бурыслылар иҫәбенә инмәҫ өсөн коммуналь хеҙмәттәрҙе айҙың 10-ына тиклем түләргә кәрәк. Август өсөн — 10 сентябргә, сентябрь өсөн 10 октябргә тиклем һәм артабан.

«Әгәр льготаға хоҡуҡлының торлаҡ-коммуналь хеҙмәттәр өсөн бурысы йыйылһа, уға белдереү ҡағыҙы ебәрелә. Бурыслыға берҙәм аҡсалата компенсация түләү туҡтатыла, әммә ике ай эсендә бурысты түләгәндән йәки ресурс менән тәьмин иткән ойошма менән уны этаплап ҡайтарыу тураһында килешеү төҙөгәндән һуң был түләү автоматик рәүештә тергеҙелә. Башҡа осраҡтарҙа берҙәм аҡсалата компенсация яңы мөрәжәғәт айынан башлап бирелә», — тип асыҡлыҡ индерҙеләр Башҡортостан Хеҙмәт министрлығының матбуғат хеҙмәтендә.

Ошондай социаль түләү алыу өсөн тәүге тапҡыр мөрәжәғәт иткәндәр берҙәм аҡсалата компенсацияны күп функциялы үҙәктә, Республика халыҡҡа социаль ярҙам үҙәге филиалдарында йәки Дәүләт хеҙмәттәре порталы ярҙамында юлларға мөмкин.

https://www.bashinform.ru/news/1488159-posle-uplaty-dolga-za-zhku-vyplatu-edk-vozobnovyat-avtomaticheski-mintrud-bashkirii/

#берҙәм аҡсалата компенсация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.