Воскресенье, 31 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

10:38 (UTC+5), 17 Июля 2020

Бөгөн Өфө моторҙар эшләү берекмәһе 95 йыллыҡ юбилейын билдәләй

Олег Яровиков

Азат Ғиззәтуллин

Бөгөн Өфө моторҙар эшләү берекмәһенә («Ростех» дәүләт корпорацияһының Берләшкән двигателдәр эшләү корпорацияһына инә) 95 йыл тула. Предприятие — Рәсәйҙә газ турбинаһы двигателдәрен етештереүсе иң ҙур предприятие. Турбореактив авиация двигателдәре әҙерләү, етештереү, сервис хеҙмәтләндереүе һәм ремонтлау, нефть-газ сәнәғәте өсөн ҡорамалдар сығарыу эшмәкәрлектең төп төрҙәре булып тора. Берекмәлә 24 000 ашыу кеше эшләй.

Бөгөн Башҡортостан башлығы Радий Хәбиров, Рәсәйҙең сәнәғәт һәм сауҙа министры урынбаҫары Олег Бочаров, «Ростех» дәүләт корпорацияһы генераль директорының беренсе урынбаҫары Владимир Артяков, «Ростех»тың авиация кластерының индустриаль директоры Анатолий Сердюков, шулай уҡ авиация тармағының төп компаниялары — «Берләшкән двигателдәр эшләү корпорацияһы», «Рәсәй вертолеттары», «Технодинамика» етәкселәре завод эшселәрен оло юбилей менән ҡотланы.

Өфө моторҙар эшләү берекмәһенең бөтә тарихы двигателдәр эшләү менән бәйле һәм предприятие хаҡлы рәүештә республиканың ғына түгел, Рәсәйҙең дә сәнәғәт флагмандарының береһе булып тора, тип билдәләне Башҡортостан етәксеһе.

Радий Хәбиров предприятие хеҙмәткәрҙәренә Рәсәйҙең һәм Башҡортостандың дәүләт наградаларын тапшырып, заводтың юбилейы менән ҡотланы.

«Өфө моторҙар эшләү берекмәһе ветерандарына һәм эшселәренә рәхмәт әйткем килә. Һеҙҙең коллектив илдең сәнәғәт комплексын үҫтереүгә, уның оборонаға һәләтлеген нығытыуға тос өлөш индерә. Бөйөк Ватан һуғышында Еңеүҙең 75 йыллығы йылында айырыуса предприятие эшсәндәренең Еңеүгә индергән өлөшөн билдәләп үтергә теләйем. Һуғыш йылдарында завод истребителдәр һәм бомбардировщиктар өсөн 50 меңдән ашыу мотор эшләп сығарған. Яңыраҡ Өфөгә «Хеҙмәт ҡаһарманлығы ҡалаһы» исеме бирелеүендә предприятие ветерандарының хеҙмәте ҙур, – тине Радий Хәбиров. – Бер быуатлыҡ тиерлек юбилейҙы яңы уңыштар менән билдәләйһегеҙ. Яңы быуын самолеттары һәм вертолеттар өсөн двигателдәр эшләү буйынса ҙур проекттар тормошҡа ашырыла. Яңы технологиялар индерелә, энергетика һәм тәбиғи газды транспортировкалау өлкәһендә яңы йүнәлештәр үҙләштерелә. Өфө моторҙар эшләү берекмәһе, «Ростех»тың башҡа предприятиелары кеүек үк, беҙҙә төҙөлә башлаған донъя кимәлендәге Ғилми-белем биреү үҙәгенең төп партнерҙарының береһе булырына иҫәп тотабыҙ».

https://www.bashinform.ru/news/1473910-segodnya-svoy-95-letniy-yubiley-otmechaet-pao-odk-umpo/

1 из 24

#өфө моторҙар эшләү берекмәһе #радий хәбиров

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.