Республикала 35 мең тонна бесән әҙерләнгән. Бында Илеш районы алдынғылыҡты бирмәй, унда 3,7 мең тонна тупаҫ аҙыҡ һалынған. Сенаж һалыу ҙа әүҙем бара – 167 мең тонна. Бөгөнгә республика буйынса мал аҙығы запасы һәр шартлы баш малға уртаса 1,6 центнер тәшкил итте.
Мал аҙығы әҙерләү темпы буйынса Ауырғазы районы алда бара, унда һәр шартлы баш малға 5,5 центнер аҙыҡ берәмеге әҙерләнгән.