Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Иҡтисад
6 Март 2020, 15:15

Республикала «Алға» картаһы буйынса түләнгән юл йөрөүҙәр һаны ҡулаҡса менән түләгәнгә ҡарағанда күберәк

6 мартта тотош республикала «Алға» картаһы менән түләнгән юл йөрөүҙәр һаны (150 меңдән ашыу) ҡулаҡса менән түләгәнгә ҡарағанда күберәк. Был турала Башҡортостан башлығы Радий Хәбиров социаль селтәрҙәге сәхифәһендә хәбәр итте.
«Хәтерегеҙгә төшөрәм, төп маҡсаттарыбыҙҙың береһе ифрат ҙур әйләнештәрҙе күләгәнән сығарыу ине, күреүегеҙсә, был мәсьәлә планлы рәүештә хәл ителә. Барлыҡ, шул иҫәптән шәхси ташыусыларҙы валидаторҙар менән тәьмин иттек, шуға хәҙер ҡаланың һәр автобусында, троллейбусында йәки трамвайында, хатта электричкала «Алға» менән түләү мөмкинлеге бар. Әйтергә кәрәк, шәхси ташыусыларҙың барыһы ла беҙҙе ишетмәне. Ундайҙар менән юлдарыбыҙ айырыла. 1 июлдән, законға ярашлы, уларға ҡарата санкциялар индерелә: штрафтар, лицензияларын тартып алыу янай. Транспорт проблемаһын аҙағынаса хәл итербеҙ. Башҡаларын кеүек үк», — тип билдәләне республика башлығы.
Бынан алда «Башинформ» агентлығы Башҡортостан социаль карталар регистрына һылтанма менән хәбәр итеүенсә, Башҡортостанда юл өсөн ҡулаҡса менән иҫәпләшеү уҙған йылдың авгусында 60% 2020 йылдың февралендә 43% тиклем кәмене. Пассажирҙарҙың 25 проценты «Алға» картаһы менән иҫәпләшә.
Автор:«Башинформ» мәғлүмәт агентлығы
Читайте нас в