Республикала йылына 0,1% процент менән ауыл ипотекаһын бирә башлайҙар

Олег Яровиков

IMPORT Сервисный

ӨФӨ, 2020 йыл, 6 февраль. /«Башинформ» мәғлүмәт агентлығы, Азат Ғиззәтуллин/. Рәсәйҙә 2020 йылдан ауыл ипотекаһы эшләй башланы. Ул йылына 3% менән льготалы кредит алырға мөмкинлек бирә. Башҡортостанда льготалы ипотека йылына 0,1% менән бирелә башлай, тип белдерҙе республика хөкүмәте премьер-министры урынбаҫары – ауыл хужалығы министры Илшат Фәзрахманов, журналистарҙың һорауҙарына яуап биреп. Уның һүҙҙәренсә, халыҡтан ғаризалар бик күп.

«Программала 16 банк ҡатнашырға әҙер. Төп ставканы федераль бюджет яба, ә республика ҡалған өлөшөн 0,1% тиклем ябырға тейеш», — тип билдәләне аграр ведомство башлығы ауыл биләмәләрен комплекслы үҫтереү мәсьәләләренә арналған Бөтә Рәсәй семинар-кәңәшмәһендә.

Рәсәйҙең ауыл хужалығы министры урынбаҫары Оксана Лут һүҙҙәренсә, федераль ведомство партнер-банктар исемлеген төҙөүҙе тамамлай, ә февралдә ауыл ипотека кредиттарын биреү башлана.

«Ҡарар ҡабул ителде, норматив документацияны әҙерләргә ҡалды. Беҙ ошо башланғысты хуплайбыҙ, республиканың халыҡ өсөн процент ставкаһын тағы ла кәметеү мөмкинлеге һәм теләге булыуы яҡшы», — тине Оксана Лут.

Ауыл ипотекаһының төп маҡсаты – ауыл биләмәләрендә йәшәгән халыҡтың торлаҡ шарттарын яҡшыртыу. Программа ярҙамында 2025 йылға 200 меңдән ашыу ғаиләнең үҙҙәренең торлаҡ шарттарын яҡшыртыу мөмкинлеге бар. Быйыл программаны финанслауға федераль ҡаҙнанан 1 миллиард һумдан ашыу бүленә. Ауыл ипотекаһының төп һәм берҙән-бер шарты кредитты маҡсатлы тәғәйенләүгә ҡайтып ҡала. Уны ауыл ерендә әҙер торлаҡ, йорт һалыу өсөн ер участкаһы, төҙөлөп бөтмәгән өй, төҙөлә башлаған йортта фатир һатып алыу өсөн тотонорға була.

Кредиттың максималь суммаһы — 3 миллион һум. Программала ҡатнашыу өсөн 10% кәм булмаған взнос индерергә кәрәк. Рәсәй граждандарына ауыл ипотекаһы бер тапҡыр ғына бирелә. Уны 25 йылға тиклем алырға мөмкин.

http://www.bashinform.ru/news/1410766-v-bashkirii-selskuyu-ipoteku-nachnut-vydavat-pod-0-1-godovykh/

#рәсәй федерацияһының ауыл хужалығы министрлығы #ауыл ипотекаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.